21-ogo septembra 2022 bude v Pragě Medžuslovjansky denj - rabotno strěčenje i škola medžuslovjanskogo jezyka. Budemo praktično besědovati v medžuslovjanskom jezyku i učiti nove ljudi interesujuče se do MS jezyka, aby stali se aktivnymi govoriteljami. Do besědovanja budut on-lajn priklučeni gosti iz različnyh krajin světa. Vyše podrobny program bude ješče sostojany v kratkom vrěmeni.

V programu medžuslovjanskogo dnja takože bude gotovjenje tretjej konferencije CISLa o medžuslovjanskom jezyku, ktora može byti subotoju 8-ogo oktobra 2022 v gradu Kutná Hora.

Prosimo vsih, ktori imajut interes učestvovati (fizično na městu ili on-lajn), aby napisali e-mail do adresy redakcija@interslavic.news i dogovorili se o formě svojego učestvovanja.

• data: srěda, september 21, 2022.
• vrěme: od 9:00 časiny do 17:00 časiny.
• naklad: Učestniki zaplatet 200 CZK na malo osvěženje i tisk učebnyh materijalov. V dvoru doma jest restoran s nizkymi cěnami, kde možno bezšumno obědati, i v pěšehodnom dostupu sut ješče druge restorany i magaziny.
• město: Dom Češskoj unije prěvoditeljev i prěkladateljev, sal 102 v prvoj nadzemjnoj etaži - vhod D. (Iz ulice jest toliko jedin glavny vhod, ale tutoj dom imaje od ulice razděljeny tihy dvor, v ktorom jest vhod D). V domu bude dostupno WiFi i restoran.
• adresa města: Praha (Praga), Senovážné náměstí 978/23.
• město na Google Maps - ...c0530cf4d8107!8m2!3d50.0854802!4d14.4316932
• Češska unija prěvoditeljev i prěkladateljev - https://www.jtpunion.org/en/
• Kutná Hora, grad UNESCO - možnost tretjej konferencije o medžuslovjanskom jezyku CISLa 2022, oktober 8, 2022 - ...en.czech-unesco.org/kutna-hora/photogallery

Praga, Senovážné náměstí 23 - glavny vhod iz ulice do doma s dvorom

Praga, Senovážné náměstí 23 - dvor doma, kde jest vhod "D"